መጸዋዕታ ንጉባኤ ህዝባዊ ሽማግለ ፍራንክፎርትን ከባቢኣን

Image result for german frankfurt city flag

ንቀዳም ዕለት 09.02.2019 ህዝባዊ ጉባኤ ክንገብር ስለዝመደብና፡ ኣብዚ ዝተባህለ ዕለት
ኩልኻትኩም ኣብ ፍራንክፎርትን ከባቢኣን ትነብሩ ደለይቲ ፍትሒን ለውጥን
ንተሳትፎኹም ብኽብሪ ንዕድም። ጉባኤና ኣብ ሃገርናን ከባቢናን ቅልጡፍ ለውጢ
ኣብዝረኣየሉ እዋን ዝግበር ኮይኑ፣ እታ ዓሰርቴታት ኣሽሓት መስዋእቲ ዝተኸፍለላ
ልዑላዊት ሃገርና ሎሚ መጻኢ ኣንፈቱ ኣብዘይፍለጥ፡ ብውልቀ መላኺ ከምዋኒኑ ዝውሰነኑ
ሓደገኛ እዋን ኢና ኣተኒና ዘለና። ስለዚ ከኣ ኩሉ ደላይ ፍትሒ ካብ ኩሉ ዝሓለፈ ጊዜ ንላዕሊ
እጃሙ ንኸበርክት ፍሉይ ግዴታ ስለዘለዎ ደጊምና ንተሳትፎኹም ንጽውዕ።
ዛዕባታት ጉባኤ፣
1. ሓፈሻዊ ጸብጻብን ገምጋም ዝሓለፈ ስራሓትናን
2. ምምራጽ ሓዳሽ ሽማግለ
3. መደባት መጻኢ ስራሓትና
ኣኸባ ዝኻየደሉ ግዜን ቦታን
ዕለት: ቀዳም ዕለት 09.02.2019
ሰዓት: ካብ ሰዓት 14:00
ቦታ: ኣዳራሽ ዛልባው ጊርስሃይም
Saalbau Griessheim
Schwarzenlenweg 57, 65933 Frankfurt am Main
ሓበሬታ ብባቡር ትመጹ
ካብ ሃብትባንሆፍ ናብ ሆክስት ገጽ ብኤስባን ቁጽሪ 1 ወይ 2 ኣብ ቀዳመይቲ ሃልትሽተለ
– ግሪስሃይም ባንሆፍ ወርዲኩም ብየማን ዝርከብ ኣዳራሽ እዩ። (F-Hauptbahnhof
mit der S1 oder S1 Richtung F-Höchst an der ersten Haltstelle Griessheim
Bahnhof aussteigen)
ብደሓን ምጹ
ሽማግለ ህዝባዊ ማሕበር ፍራንክፎርትን ከባቢኣን

ሶማል፣ ኤርትራዊ ዲፕሎማሰኛ ሕ/ሃ፣ ኣቶ ሃይለ መንቀርዮስ ከይኣቱ ተኸልኪሉ (Radio Erena)

Haile Menkerios

መንግስቲ ሶማል፣ ንኤርትራዊ ዲፕሎማሰኛ ሕቡራት ሃገራት፣ ኣምባሳደር ሃይለ መንቀርዮስ ናብ ሃገሩ ከይእቱ ከምዝኸልከሎ ዲፕሎማስያውያንምንጭታት ኣቃሊዖም።

ቀዋሚ ወኪል ሕቡራት ሃገራት ኣብ ሕብረት ኣፍሪቃ ኮይኑ ከገልግል ዝጸንሐ ኣምባሳደር ሃይለ መንቀርየስ፣ ኣብ መንጎ መንግስቲ ሶማልን እስላማውያን ጉጅለታትን ንዘሎ ምስሕሓብ ናይ ምሽምጋልን ምቅርራብን መስርሕ ከሳልጥ እኳ እንተተመዘዘ፣ ፕረዚደንት ሶማል ዓብዱላሂ መሓመድ ፋርማጆ ግና ክናብ ሞቛድሾ ክቕበሎ ፍቓደኛ ከምዘይኮነ’ዩ ዝግለጽ ዘሎ።

ኣምባሳደር ሃይለ መንቀርዮስ ካብ ዝሓለፍ ወርሒ ሕዳር ኣትሒዙ ናብ ሶማል ከይኣቱ ብፕረዚደንት እታ ሃገር ተኸልኪሉ ከምዘሎ ንምንጭታቱ ብምጥቃስ ዘረጋገጸ ኣፍሪካን ኢንተልጀንስ ብወገኑ፣ ዝተኸልከለኡ ምኽንያት፣ ምስቲ ኣብ መንጎ ፕረዚደንታት ኤርትራን ሶማልን ዝኸተምዎ ስምምዕ ዝተኣሳሰር ምዃኑ ኣንፊቱ።

ሓደ ካብ ነቐፍቲ ምሕደራ ፕረዚደንት ኢሳይያስ ኣፈወርቂ ምዃኑ ዝፍለጥ ኣምባሳደር ሃይለ መንቀርዮስ፣ ንመንግስቲ ሶማልን ኣልሸባብ ዝርከቦም ዕጡቓት እታ ሃገርን ንምዝርራብ ዝተዋህቦ መዝነት፣ ብወገን ፕረዚደንት ፋርማጆ ተቐባልነት ዘይረኸበሉ፣ ምስ ፕረዚደንት ኢሳይያስ ዝኸተሞ ስምምዕ ኣብ ሓደጋ ከይኣቱ ካብ ዝብል ስግኣት ምዃኑ’ዩ ዝትንተን።

ኣብ መንጎ መራሕቲ ኤርትራ፣ ኢትዮጵያን ሶማልን ዝተኸተመ ስሉሳዊ ስምምዕ ሰላም፣ ንባይቶ ሶማል ዘየሳተፈን ምስጢራውን’ዩ ብዝብል ሓያሎ ኣባላት ፓርላማ እታ ሃገር ተቓውሞ ከምዘስምዑ ኣይርሳዕን።

ፕረዚደንት ሶማል፣ ዓብዱላሂ መሓመድ ፋርማጆ ኣብ ዝሓለፈ ወርሒ ንፍሉይ ልኡኽ ሕቡራት ሃገራት፣ ካብታ ሃገር ክወጽእ ከምዝኣዘዞ’ውን ኣይርሳዕን።

እቲ ፕረዚደንት፣ ነቲ ናይ ደቡብ ኣፍሪቃ ዜግነት ዘለዎ ፍሉይ ልኡኽ ሕቡራት ሃገራት ካብ ሶማል ክወጽእ ዝኣዘዘሉ ምኽንያት፣ እቲ ልኡኽ፣ ንምእሳር ‘ቲ ናብ መንግስቲ ሶማል ኢዱ ዝሃበ’ሞ፣ ድሕሪ ዝተገብረሉ ምሕረት ኣብ ምርጫ እታ ሃገር ንምስታፍ ጎስጓስ ዘካየድ ዝነበረ ምክትል መራሒ ኣልሸባብ ነበር ሙክታር ሮቡው ብምቅዋም’ዩ።

መንግስቲ ሶማል፣ ኣብ ውሽጣዊ ጉዳይ ሶማል ጣልቓ ብምእታው’ዩ ዝኸሶ።

ካብ ሕቡራርት ሃገራትን ሕብረት ኣፍሪቃን ደገፍ ዘለዎ መንግስቲ ሶማል፣ ኣብዘን ዝሓለፋ ክልተ ኣዋርሕ ጥራይ ንክልተ ላዕለዎት ዲፕሎማሰኛታት ሕቡራት ሃገራት ናብ ሃገሩ ከይኣትዉ ክኽልክል እንከሎ፣ ንፕረዚደንት ኢሳይያስ ኣፈወርቂ ከምዝቓወም ስለዝፈልጥ ጥራይ ምዃኑ’ዩ።

ገዲም ተጋዳላይ ህዝባዊ ግንባር ነበር ኣቶ ሃይለ መንቀርዮስ፣ ኣምባሳደር መንግስቲ ኤርትር ኣብ ኢትይጵያን ካልእ ጽፍሕታትን ዝነበሮ ላዕለዋይ ዲፕሎማሰኛ መንግስቲ ኤርትራ እኳ እንተነበረ፣ ንምልካዊ መሪሕነት ፕረዚደንት ኢሳይያስ ኣፈወርቂ ድሕሪ ምቅዋሙ ግና፣ እብ ዝተፈላለየ ጽፍሕታት ሕቡራት ሃገራት ኣብ ምግልጋል’ዩ ዝርከብ።

ኣምባሳደር ሃይለ መንቀርዮስ፣ ናይ ኤርትራ ፓስፖርቱ ድሕሪ ምውዳቑ ናይ ደቡብ ኣፍሪቃ ዜግነት ብምሓዝ፣ ብናይ ደቡብ ኣፍሪቃን ሕቡራት ሃገራትን ፓስፖርታት ከምዝንቀሳቐስ’ዩ ዝግለጽ።

http://erena.org/index.php/zena

ካብ ኤርትራ ናብ ኢትዮጵያ ዝኣተወ ግንባር ሓርነት ኦሮሞ፣ ብናጻ ኣካል ዝተማእከለ ሓድሽ ስምምዕ ይጠልብ

onlf

ኣብ ኣስመራ ድሕሪ ዝተኻየደ ስምምዕ፣ ናብ ኢትዮጵያ ከምዝኣተወ ዝተሓበረ ግንባር ሓርነት ኦሮሞ፣ ብናጻ ኣካል ዝተማእከለ ሓድሽ ስምምዕ ከምዘድሊ ኣብ ዘውጽኦ መግለጺ ኣፍሊጡ።

እቲ ብኦነግ- ሸኔ ዝፍለጥ ግንባር፣ ድሕሪ’ቲ ናይ ኣስመራ ስምምዕ፣ ኣብ ኤርትራ ዝጸንሑ ኣባላት ሰራዊቱ ናብ ኢትዮጵያ እኳ እንተስገሮም፣ ኣብ ውሽጢ ኢትዮጵያ፣ ኬንያን ካልእ ከባቢታትን ዝርከቡ ኣባላቱ ግና ዕጥቆም ከምዘይፈትሑ’ዩ ዝግለጽ።

ዝርዝር ናይቲ ኣብ ኣስመራ ዝተኸተመ ስምምዕ እኳ እንተዘይተሓበረ፣ ኣባላት እቲ ግንባር፣ ኣብ ኣመራርሓን ሰራዊትን መንግስቲ ኢትዮጵያ ክጽንበሩ ዝብል ከምዝርከቦ ይጥቀስ።

ኦነግ ብዝህቦ ዘሎ መግለጺ ድማ፣ ኣብ ኣስመራ ኣብ ዝተኸተመ ስምምዕ ዝተኣትወ መብጽዓታት ከምዘይተተግበረ’ዩ።

እቶም ካብ ኤርትራ ዝተመልሱ ኣባላት ሰራዊት ኦነግ፣ ኣብ ተሃድሶ ድሕሪ ምእታዎም፣ እቶም ብቕዓት ዘለዎም ናብ ሰራዊት መንግስቲ ክጽንበሩ እቶም ዝተረፉ ድማ ክጣየሱ ከምዝጀመሩ መንግስቲ በብእዋኑ ክጠቅስ ጸኒሑ’ዩ።

ዳውድ ኢብሳ ዝርከቦም መሪሕነት ናይቲ ግንባር፣ ንሰራዊቶም ዕጥቁ ከፍትሑ ንዝቐረበ ጻውዒት ሎሚ ጽባሕ እናበሉ ግዜ ምውሳዶም፣ ከቢድ ዕንወት ኣኸቲሉ ከምዘሎ ምክትል ጠቕላሊ ሓለቓ ስታፍ ሰራዊት ኢትዮጵያ ጀነራል ብርሃኑ ጁላ ኣብዚ ሳልስቲ’ዚ ኣብ ዝሃቦ ጋዜጣዊ መግለጺ ኣፍሊጡ።

ኦነግ፣ ኣብ ክልል ኦሮሞ ብፍላይ ኣብ ምዕራብ ወለጋ፣ ጽዑቕ መጥቃዕታት የካይድ ከምዘሎን፣ ሰራዊት ኢትዮጵያ ነቲ ኩነታት ዛጊት ክቆጻጸሮ ከምዘይክኣለን ዝተፈላለዩ ወገናት የረድኡ።

radioe Erena.com

ኣልማዝ ደጋፊት ህግደፍ ነበር ኣብ ክንዲ ህዝባ ክትጣበቅ መሪጻ(እሱራትና ይፈትሑ, ቅዋም ይገበር, ዶብ ክሕንጸጸልና ትብል)

Posted by Badme Gemahalo on Saturday, January 12, 2019

ዝሓቶ ሰብ ዘይብሉ ናይ ኤርትራ ዕሉል ገበነኛ።

Image result for eritrean president at ethiopia Gonder

እቲ ብ1965 ብመንግስቲ ኢትዮጵያን፡ ናይ ኣመሪካ ጸጥታዊ ስለላ (CIA): ነቲ ክካየድ ዝጸንሔ ኣንጻር መግዛእቲ ኢትዮጵያ፡ ብረታዊ ቃልሲ ህዝቢ ኤርትራ ንምፍሻል ዝተላእከ፡ ኢሳያስ ኣፈዎርቂ ዝተባህለ ዕሱብ ሰብ፡ ኣብ ሰውራ ኤርትራ፡ ተቓላሲ ተመሲሉ ካብ ዝተሓወሰላ ዕለት ጀሚሩ፡ ህዝቢ ኤርትራ ብገርሁ ከሎ፡ ክምክቱኒ ይኽእሉ እዮም ኢሉ ንዝጠርጠሮም ብሉጻት ተጋደልቲ፡ ብኣብርሃም ተወልደ ጀሚሩ፡ ብርቱዕ ቅንጸላን፡ ኣዝዩ ሃሳዪ፡ ሃገራዊ ዕንወትን፡ ብስቱር ምስጢራት፡ ፈጺሙ እዩ። ኤርትራ ሃገርና ነጻነታ ቅድሚ 27 ዓመት ካብ ዝተጎናጸፈትሉ ዕለት ጀሚሩ፡ ብዘይ ሕግን፡ ፍርድን፡ ሓታቲ ብዘይብሉ ኩነታት ፡ ንመላእ ሃገር ራዕዲ ብምእታው፡ ሕሱም ማእሰርትን፡ ቅትለትን፡ ጥሜትን ኣካይዱ። እቲ ቀንዲ ዝፈጸሞ በደል ከኣ፡ ባህልናን፡ አምነትናን፡ ምስ ኣስኣነና ፡ ንመሰልናን፡ ነጻነትናን፡ ክንሓተሉ ኣብ ዘይንኽእለሉ ኩነታት ኣውዲቑና ኣሎ። ኣብ መጨረሻ ከኣ፡ ሕፍር ከይበለ፡ኣነ፡ ኢትዮጵያዊ’ም’በር ኤራትራዊ ኣይኮንኩን፡ ብምባል፡ ክሕደቱ ገሊጹልና ክነሱ፡ ጌና ነታ ሃገር ብዘይ ሓንቲ ተሓታትነት፡ ምሉእ ሃብታ ንበይኑ ገቢቱ፡ ብንዕቀትን፡ ውርደትን፡ ዝዓብለሎ ኣሽካዕላልነት፡ ብዙሕ ይቕረ ዘየብል በደላት ፈጺሙን፡ ጌና’ውን ይቕጽሎን ኣሎ ። ብሕልፊ ከኣ ኣብ ልዕሊ መንእሰያትና፡ ናይ ብዙሕ ዓመታት ባርነትን፡ ከርተትን ድሕሪ ምብያኑ፡ ካብ ብዙሕ ዕለታዊ ሽግራት ንምምላጥ፡ዶብ ክሰግሩ ኣብ ዝተረኽቡሉ ግዜ፡ ኮብሊልኩም ተባሂሎም ብጥይት ንኽርሸኑ ነቶም ኣዝዮም ጨካናትን፡ ብልሹዋትን፡ ናይ ላዕለዋይ ጸፍሒ ወተሃደራቱ፡ ትእዛዛት ኣተሓላሊፉ እዩ። ንሱ ከይኣኽሎ ከኣ፡ እቶም ብልሹዋት፡ ጀነራላትን ኮሎነላትን፡ ናብ በደዊን፡ ከም እንስሳ ብዶላራት ክሸጡዎምን፡ ከምኡ’ውን ብህይውቶም ከሎዉ፡ ኮላሊቶም ኣውጺኦም ክሸጡን ከሎዉ፡ ቅጭጭ ኣይበሎን ። ውልቀ-መላኺ አሳያስ፡ ኣብ ልዕሊ መላእ ህዝቢ ኤርትራ እዚ ኩሉ ኣረመናዊ ስራሓት፡ ብቐጻሊ ክፍጽም ከሎ፡ስለ ዘይብጽሖ ጥራሕ ዘይኮነስ፡ እቲ ህዝቢ ካብ ዘይተጸበዮ ቂምን፡ በቐልን፡ ቅርሕንትን፡ ተላዒሉ፡ ነቲ መላእ ህዝቢ ኤርትራ፡ ካብ’ታ ገዛእ መሬቱ፡ ብዝተፈላለየ ሜላታት፡ ሓግሒጉ ብምጥፋእ፡ ንውሉድ- ወሎድኡ፡ ነታ ሃገር ኣሰር መታን ከይገድፈላ ፡ ናይ ኑክሌር ሓተላ ቀቢሩላ ኣሎ። ኩሉ ስርሓቱ ብምስጢር ስለዝኾነ፡ ሕጂ’ውን እንተኾነ፡ ጌና ይቕጽሎ ይህሉ እዩ።

ክቡር ህዝቢ ኤርትራ፡ ሕጂኸ ካብ ዝለዓለ በደል፡ እንታይ ኢኻ ክትጽበ ? ውልቀመላኺ ኢሳያስ አንተኾነ፡ ብጀካ አከይ ተግባራት ካሊእ ስለ ዘይፈልጥ፡ ንምሉእ ሃብቲ ሃገር ብውሽጢውሽጢ : ብዘይ ሓደ ተቖጻጻርነት፡ ሸይጡን፡ ለዊጡን፡ ናብ ናይ ግላዊ ኣብ ናይ  ዝተፈላለያ ሃገራት ባንክታት ዝርከብ ሕሳባቱ፡ ይድልቦ ኣሎ። ነዚ ኩሉ እከይ ተግባራቱ ንብዙሕ ዓመታት ዝኣክል ብዘይ ተሓታትነት ክፍጽም ዝኸኣለሉ ምኽንያት ከኣ፡ ንሕና፡ አቶም ደቂ ሃገር (ኤርትራውያን) ስለ ዝፈቐድናሉ ጥራሕ አዩ።                        

 

ነዚ እከይ ተግባራቱ ፡ ብኸመይ ኣገባብን፡ መዓስን ደኣ ጠጠው ነብሎ ፡ ንዝብል ሕቶ ንምምላሽ ከኣ፡ እቲ ህልዊ፡ ሓፈሻዊ ናይ ኤርትራ ፡ ፖለቲካዊ ኩነታት፡ ኣብ ኣዝዩ ዘሰክፍን፡ ግዜ ዘይህብን ኩነታት ስለ ዘሎ፡ ንሕና ኤርትራውያን፡ ብምሉአ ጥርናፈ፡ ግዜ ከይወሰድና፡ ኣብ’ዛ ዓመት’ዚኣ ግብራዊ ስጉምቲ ክንወስድ ኣሎና። እቲ ዝካየድ ዘሎ ሓፈሻዊ ናይ ህዝቢ ጥርናፈ ኩነታት ከኣ፡ ኣብ ዝሓጸረ ግዜ፡ ለውጢ ንምምጻእ ዘኽእል ሃዋህው፡ ይፍጠር ስለ ዘሎ፡ ነዚ ምቹእ ኩነታት ተጠቒምና ፡ ንኢሳያስ ኣፈወርቂ ዝብሃል ዕሉል ገበነኛ፡ ኣብ’ዛ ሓዳስ ዓመት፡ 2019፡ ነቲ ኣብ ውሽጢ ሃገርን፡ ወጻኢን ዘሎ ህዝብና፡ በተን ሕጂ ተጀሚረን ዘሎዋ፡ ናይ ሓጺር ማዕበል ራዲዮን፡ ተለቪጅንን፡ ከምኡ፡ ከኣ ፡ ናይ ኢንተርነት ኣገልግሎት፡ ብምጥቃም፡ ንስርዓት ኢሳያስ ኣፈዎርቂ፡ ካብ ሃገርና ጸሪግና ብምውጻእ፡ ንመላእ ህዝቢ ኤርትራ፡ ብዘይ ሓደ ፍልልይ፡ ብማዕርነት እትውክል ሓዳስ፡ ቅዋማዊት፡ ኤርትራ፡ ንምፍጣር፡ ናይ ነፍስ-ወከፍ ኤርትራዊ፡ ሃገራዊን፡ ሞራላዊን ሓላፍነት ስለ ዝኾነ፡ ሃየ፡ ንልኡላውነት ሃገርናን፡ ሰብኣዊ መሰላትናን፡ መኪትና፡ ብግብሪ ንፈጽማ ? እቲ ዝጅመር ዘሎ፡ ህጹጽ ኣዋጅ ናይ መላእ ህዝቢ ኤርትራ ናይ ጥርናፈ ጎስጓስ ከኣ፡ በቢከተምኡ ዝተበገሰ ሜለ ዝኽተል እዩ።              

ርሑስ ሓዲሽ ዓመት 2019፡ ከኣ ይግበረልና፡ ኣሜን።

በርሀ ደስታ ፡ ተቐማጢ ከተማ ሲያትል፡ ዋሽንግቶን፡ ሕቡራት መንግስታት ኣመሪካ።

የቐንየለይ።