መጸዋዕታ ንኹሉኹም ኤርትራውያን ነበርቲ ኣብ ህዩስተንን ከባቢኣን (International women’s day)

መጸዋዕታ

ኤርትራውያን ደቂ ኣንስትዮ ኣብ ህዩስተን ተክሳስ ዓለም ለኻዊ ደቂ ኣንስትዮ መዓልቲ ንምኽባር ፡ኩለን ደቂ ኣንስትዮ ብሐባር ነቲ ጽንብል ኩውን ንምግባር ይሸባሸባ ከምዘለዋ ገሊጸን።
ፍትሒ ነታ እብ ጎዳጉዲ ተኣሲራ ዘላን ተኾርምያ ንውሉዳ ሲኢና ትነብዕ ዘላን።

 

Image may contain: 4 people, text

ክፋል ዕደና ወርቂ ቢሻ ኣብ ልዕሊ ሰራሕተኛታት ሃሚሙ Eritrean National Salvation Front

Image result for eritrean national salvation front

ቅድሚ ሰለስተ መዓልታት ኣቢሉ ዕደና ቢሻ ብከፍል ኣብ ልዕሊ ሰራሕተኛታት ኣስገዳድ ኣገልግሎት
ከምዝሃመመን፡ ልዕሊ ዓሰርተው ሓሙሽተ ሰራሕተኛታት ሽዑ ንሽዕኡ ሂወቶም ከሓልፍ እንከሎ፡ ብርክት
ዝበሉ ስራሕተኛታት ድማ ከቢድ ጉድኣት ከምዚወረዶም፡ እሙን ምንጪ ግንባር ሃገራዊ ድሕነት ኤርትራ
ካብ’ቲ ከባቢ ሓብሩ።
መንግስቲ ኢሳያስ ብዛዕባ’ዚ ፍጻመ’ዚ ዛጊት ንህዝቢ ኤርትራ ዝሃቦ ሓበሬታ ኣብ ርእሲ ዘይምህላዉ፡ ጉዱኣት
ኣበየናይ ሆስፒታል ይሕከሙ ምህላዎምን፡ ሬሳታት ግዳያት ንቤተ ሰባቶም ክርከብ ድዩ? ወይ ኣብ ዚሞቱሉ
ቦታ ኪደብዮም ድ’ዩ? ክሳብ ሕጂ ዝተፈልጠ ነገር የልቦን።
ዕደና ወርቂ ቢሻ ጉልቡት ምንጪ እቶትን፡ ሓደ ካብ’ቲ ኣዝዩ ጨካን ማዕከን ግላዊ ዕዮን መንግስቲ ኢሳያስ
ምዃኑ ህዝቢ ኤርትራ ጥራይ ዘይኮነስ፡ ኣህጉራዊ ውድባት ሰብኣዊ መሰላት ብተደጋጋሚ ዘረጋገጽዎ’ዩ።
ቤት ጽሕፈት ዜናን ባህልን ግንባር ሃገራዊ ድሕነት ኤርትራ ኣምላኽ ንጉዱኣት ቅልጡፍ ምሕረቱ
ከውርደሎምን፡ ንግድያት ኣብ መንግስቲ ሰማይ ክቅበሎምን፡ ንስድራ ቤታት ግዳያት ጽንዓት ክህቦምን ይምነ።
ቤት ጽሕፈት ዜናን ባህልን ግንባር ሃገራዊ ድሕነት ኤርትራ
2 ለካቲት 2020

togoruba.org

ተዘይ ትንውንወኒ መን መጽደፈኒ ኢዩ ነገራቱ

Image may contain: one or more people and people sitting

ሕቡራት መንግታት ኣመሪካ ብ 1/31/2020 ኣብ ልዕሊ ኤርትራ ዘውጸኦ ሕጊ እገዳ ንይ መገሻ እማመ እቲ ዲክታቶር ስርዓት ብትሪ ተቃዊሙዎ ።ንህዝቢ ኤርትራ ካብ ሃገሩ ሃጽ ኢሉ ክጠፍእ ዝገበሮ እንተሎ እዞም ናይ ወጻኢ ሐይልታት ብገንዘብ ብንዋት ስለ ዝተሐባበሩዎም  ነዞም መንእሰያት ኣብ ሽግር ንኽሳጥሑ ዝገበሩዎም ሙኻኖም ኣይንስሕቶን ክብል መግለጺ ሂቡ ነቲ ናታ ንሐማታ ኮይኑ ረኺብናዮ፡እምበኣር ህዝቢ ኤርትራስ ሃገሩን ማሙቕ ገዙኡን ጸሊኡ ኣብ ፈቀዶ ባሕርን ፈቀዶ ሰሃራን ክሳዶም ከም ገንሸል ዝተሐርዱን ኣሕውትና ደቂ ኣንስትዮ መጻወቲ በደዊን ዝኾና እምበኣር ጸጊቦም ኢዮም፡

ሃገርና ኤርትራ ብሐደ  ውልቀመላኺ ትምራሕ ዘላ ሃገር ንህዝብና ብዘይ ቅዋምን ሕግን ከም ጅሆ ኣሰሩዎም ዝነብሩ ዘለዉ ናይ ምንታይ ንዕቀት ኢዩ ንኻልኦት ሃገራት ምጽላም ፡ኣክንዲ ተረፍ ዓሳ ኮይኖም ንስድረኦም ዝዓንገሉ?ነዛ ዝነቀጸት ጎሮሮ ዘተርከሱ፡ኢሰያስ እንታይ ቀረብ ሂቡዎ ነዚ ህዝቢ፡ነዛ ንምንባር ዝኸላእካዮም ንሞት ዝተፈርዱ ህዝብና ኢዮም ።ስለዚ ቪዛ ምዕጻውን ምኽፋትን ኣይኮነን እቲ ሕቶ ንስኽካ ውረድ ንህዝብና እናጨፍጨፍካ ምውርዛይ ይኣክል።

ህዝቢ ኤርትራ ኣብ ውሽጢ ሃገሩ እሱር ከምዘሎ ዘርኢ ኣብ ጋሽ ባርካ ዝተገብረ ናይ ህዝቢ ኣኼባ ብሉኡል ገብረኣብ ኣብ ናይ ቁጠባዊ ማሕበራት ንምትዕርራይ ዝሃበቶ መግለጺ እቲ ሐገዝ ካብ ደገ ዝመጽእ ናይ ደበስ ስድራ ስዉኣትን ተሐጋጊዝኩም ሽግርኩም ፍትሑ ዝብል እሞ ህግደፍ ስጋብ ክንደይ ምሕደራ ናይ ህዝቡ ኣብዘይ ሰርዐሉ እዋን ከምዝበጽሔ ይሕብር። ኣብቲ ስእላዊ መግለጺ ውን እቲ ህዝቢ ብፍርሒ ተሾቅሪሩ መብዛሕቶም ውን ኣረጋውያን ኣቦታትን ኣዴታትን ይርከቡዎም።

ራህዋን ቅሳነትን ነቲ ደም ዝነብዕ ዘሎ ህዝብና

ውድቀት ንውልቀ መላኺ ሰዓብቱን

ቀ/ሚ እስራኤል፣ ብዛዕባ ምስጓግ ኤርትራውያን ንምዝርራብ ናብ ኡጋንዳ ኣትዩ 0 03 02 2020 Radio Erena: 03 February 2020

ቀዳማይ ሚኒስተር እስራኤል በንያሚን ናታንያሁ፣ ብዛዕባ ምስጓግ ኣብ ሃገሩ ዝርከቡ ኤርትራውያንን ዜጋታት ካልኦት ሃገራት ኣፍሪቃን ብምዝልከት ንምዝርራብ ናብ ኡጋንዳ ኣምሪሑ።

እቲ ቀዳማይ ሚኒስተር ኣብ ኡጋንዳ ኣብ ዘካይዶ ናይ ሓደ መዓልቲ ዑደት ብዘይካ’ቲ ምስ ፕረዚደንት ዩዌሪ ሙሴቬኒ ዝህልዎ ርክብ፣ ምስ ፕረዚደንት ርዋንዳ፣ ፖል ካጋመን ከልኦት መራሕቲ ሃገራት እቲ ዞባን’ውን ክመያየጥ ምዃኑ ተሓቢሩ።

ንሱ፣ ሎሚ ሰኑይ 3 ለካቲት ናብ ኡጋንዳ ኣብ ዝተበገሰሉ፣ “ኣብዚ ሰለስተ ዓመትን መንፈቅን፣ ናብ ሃገራት ኣፍሪቃ ክገይሽ እዚ ንሓሙሻይ እዋነይ ‘ዩ፣ ሕጂ ግና ጽቡቕ ዜና ሒዘልኩም ክምለስ ተስፋ ኣሎኒ” ከምዝበለ ማዕከናት ዜና እታ ሃገር ሓቢረን።

ነቲ ቀዳማ  ሚኒስተር ካብ ዘሰነዩ ላዕለዎት ሰበ ስልጣን እስራኤል፣ ሓላፊ ሞሳድ- ክፍሊ ስለያ እታ ሃገር፣ ዮሲ ኮሀን ይርከቦም።

እስራኤል፣ ኣብታ ሃገር ንዝርከቡ መብዛሕቶም ኤርትራውያን ዝኾኑ ኣስታት 30 ሽሕ ሓተቲ ዑቕባ ናብ ርዋንዳን ኡጋንዳን ንምስጓጎም ዝርርባት ከተካይድ ምጽንሓ ዝፍለጥ’ዩ።

እንተኾነ፣ ኣንጻሩ ድሕሪ ዝተኻየደ ሰፊሕ ናይ ተቓውሞ ሰልፍታት፣ መንግስታት ርዋንዳን ኡጋንዳን፣ ብድሌቶም ንዝመጹ እንተዘይኮይኖም፣ ብግዴታ ንዝስጎጉ ኣይንቕበልን ከምዝበላ ኣይርሳዕን።

ኣብዚ እዋን’ዚ፣ ርዋንዳ፣ ኣብ ሊብያ ካብ ዘሎ ሕማቕ ኵነታት ንዝምለሱ ኣሽሓት ስደተኛታት ንምቕባል ዝወሰደቶ ተበግሶ ከም ዕዉት ስለዝተራእየ ‘ዩ፣ እስራኤል ድማ ንዝጀመረቶ ተመሳሳሊ መደባት ትደፍኣሉ ዘላ ክብሉ ሓይሎ ወገናት ትንታነታቶም ይህብሉ።

ፍርቂ ናይቶም ኣብ እስራኤል ዝርከቡ ሓተቱ ዑቕባ ኣብታ ሃገር መንበሪ ፍቓድ ክወሃቦም፣ እቶም ፍርቆም ድማ ናብ ካልኦት ሃገራት ኤውሮጳን ኣመሪካን ክጣየሱ ዝብል ስምምዕ መንግስቲ እስራኤልን ላዕለዋይ ኮሚሽን ስደተኛታት ሕቡራት ሃገራትን ሓደ መዓልቲ ከይጸንሐ’ዩ ብትእዛዝ ቀዳማይ ሚኒስተር ቤንያሚን ናታንያሁ ተሰሪዙ።

መንግስቲ እስራኤል ናብቲ ስምምዕ ክምለስ ሕቡራት ሃገራት ክጽውዕ እንከሎ፣ ቀዳማይ ሚኒስተር ናታንያሁ ብኣንጻሩ ካልእ ናይ ምስጓግ ኣማራጺታት ንምንዳይ ናብ ኡጋንዳ ኣምሪሑ ይርከብ።

በብእዋኑ ካብ እስራኤል ናብ ርዋንዳ ዝተመልሱ ኣማኢት ኤርትራውያን፣ ዝተኣትወሎም መብጽዓታት ብዘይምትግባሩ ብዘይሕጋዊ መንገዲ ናብ ኡጋንዳ እናሰገሩ ካልእ ጎደና ስደት ክመርጹ ምጽንሖም ዝፍለጥ’ዩ።

ስእሊ፣- ካብ ኣርካይቭስ ኢንተርነት

Radeo Erena