ጀነቫ (18 ጥቅምቲ 2022) – እቲ ኣብ ቀረባ እዋን ኣብ ዞባ ትግራይ እተገብረ ዘሰምብድ መጥቃዕቲ ነፈርቲ ነቲ ድሮ ኣዕናዊ ዝዀነ ውግእ ኣብ ሰላማውያን ሰባት ዘሕድሮ ኣዕናዊ ጽልዋ ኸጋድዶ ከም ዝኽእል ቮልከር ቱርክ ላዕለዋይ ኮሚሽነር ሰብኣዊ መሰላት ው. ሕ. ሃ.
ቱርክ ከምዚ በለ – “ካብ 31 ነሓሰ ኣትሒዙ ብሰንኪ እቲ ኣብ ትግራይ እተፈጸመ መጥቃዕቲ ነፈርትን ተዅሲ ጠበንጃን ሲቪላዊ ግዳያትን ሲቪላዊ ኣቕሑ ኸም ዝዓነወን ዝገልጽ ብዙሕ ጸብጻባት ተቐቢልና ኢና እዚ ድማ ጸብጻባት ንምርግጋጽ ኣጸጋሚ ይገብሮ ኢዩ እንተዀነ ግን እቲ ኣብ ሰላማውያን ሰባት ዝወርድ ጕድኣት ኣዝዩ ዘደንጹ ምዃኑ ንጹር ኢዩ ። “
ሓደ ኻብቶም ኣብዚ ቐረባ ግዜ ኣብ ዘጋጠመ ፍጻመታት ዝሞቱ ሰባት ሓደ ኣባል ኣህጉራዊ ኮሚተ መድሓኒ ውድብ ሕቡራት ሃገራት እዩ ነይሩ ።
ኣብ ጽንኩር ናይ ግብረ – ሰናይ ኵነታት እዚ ፈጺሙ ተቐባልነት የብሉን ” በለ ።
“ወተሃደራትን ተዋጋእትን ኣብቲ ውግእ ብቐጻሊ ብጃምላ ይንቀሳቐሱ ስለ ዘለዉ እቲ እናወሰኸ ክኸይድ ዝኽእል ሓደጋ እውን የጨንቐኒ ኢዩ።”
እቲ ላዕለዋይ ኮሚሽነር ንዅሎም እቶም ኣብቲ ውግእ ዝሳተፉ ጕጅለታት ንዅሉ ግጭታት ብኡንብኡ ደው ከብልዎን ሰላምን ነባርን ፍታሕ ንምርካብ ክጽዕሩን ጻውዒት ኣቕረበሎም።
እቶም ኣብቲ ግጭት ዝሳተፉ ሰባት ገለ ኻብቲ ዝወሰድዎ ስጕምትታት ንሰላማውያን ሰባትን ሲቪላዊ ኣቕሑን ንምዕቋብ ዝከኣል ኵሉ ስጕምትታት ብምውሳድ ከምኡውን ግብረ – ሰናይ ሓገዝ ንዅሎም እቶም እተሸገሩ ንምብጻሕ ብምፍቃድ ኣህጉራዊ ሕጊ ሰብኣዊ መሰላትን ኣህጉራዊ ሰብኣዊ ሕግታትን ከኽብሩ ኣለዎም ።
ቱርክ ኣስዕብ ኣቢሉ “ብመሰረት ኣህጉራዊ ሕጊ ደይ መደይ ኢልካ ኣብ ልዕሊ ሰላማውያን ሰባት ወይ ሲቪላዊ ነገራት ዝወርድ ኣድልዎ ዘይብሉ መጥቃዕቲ ወይ መጥቃዕቲ ገበን ውግእ ኢዩ” በለ።
