እቲ ኣህጉራዊ ትካል ነዚ ሓበሬታ ዝህብ ዘሎ፣ ነቶም ካብቲ ሓደጋ ዝደሓኑ ብምውካስ’ዩ።

ኣብ ካልእ ወገን፣ ካብ ሊብያ ናብ ኢጣልያ ኣሽሓት ስደተኛታት ከሰጋግሩ ጸኒሖም ዝተባህሉ ዜጋታት ኤርትራን ኢትዮጵያን ዝርከብዎም 24 ደላሎን ኣሰጋገርቲ ደቂሰብን ኣብ ኢጣልያ ኣብ ትሕቲ ቀይዲ ኣትዮም።

ክልተ ካብቶም ኣብ ትሕቲ ቀይዲ ኣትዮም ዘለዉ ጥርጡራት በታ ኣብዚ ሳልስቲ’ዚ ኣስታት 700 ስደተኛታት ሒዛ ዝጠሓለት ጃልባ ተሓተቲ ምዃኖም’ውን ጸብጻባት ካብ ኢጣልያ የመልክቱ።

ኣብ ማእከላይ ባሕሪ ዘጋጥሞ ዘሎ ሞት ካብ ናይ ዝሓለፈ ዓመት ብ30 ዕጽፊ ዛይዱ ኣብ ዘለዉ እዋን፣ ሃገራት ኤውሮጳ ብዛዕባ’ቲ ጉዳይ ብጽዑቕ ይዝትያ ኣለዋ።

 

ሓይልታት ጸጥተአን’ውን ንደላሎን ዘይሕጋውያን ኣኣሰጋገርቲ ደቂ ሰብን ብዕቱብ ኣብ ምህዳን ተዋፊሮም ይርከቡ።

እዚ ከምዚ’ሉ እንከሎ፣ ዜጋታት ኤርትራን ኢትዮጵያን ዝርከብዎም ኣስታት ሓደ ሽሕ ስደተኛታት ካብ ገማግም ባሕሪ ሊብያ ንምብጋስ ተዳልዮም ከምዘለዉ ይግለጽ ኣሎ።